Кантактная інфармацыя: Тел.: +375292527622 Email: julietta78@mail.ru
РМА настаўнікаў бел.мовы і літаратуры19. 11. 2019 Пасяджэнне настаўнікаў беларускай мовы і літаратуры 19 лістапада 2019 года на базе ДУА “Сярэдняя школа № 12 г.Барысава” прайшло пасяджэнне настаўнікаў беларускай мовы і літаратуры. Падчас пасяджэння, якое адбылося ў форме педагагічнай майстэрні, настаўнікі дзяліліся вопытам работы па рэалізацыі кампетэнтнаснага падыходу на ўроках беларускай мовы і літаратуры сродкамі медыяадукацыі. Мэтай пасяджэння было прадстаўленне педагагічнага вопыту настаўнікаў беларускай мовы і літаратуры Дзяржаўнай установы адукацыі “Сярэдняя школа № 12 г. Барысава” па фарміраванні медыяінфармацыйных кампетэнцый вучняў на ўроках беларускай мовы і літаратуры. Дырэктар Палухіна Надзея Сяргееўна прадставіла візітку школы, пазнаёміла з яе гісторыяй, расказала пра напрамкі работы, падрабязна спынілася на рабоце МА настаўнікаў беларускай мовы і літаратуры ДУА “Сярэдняя школа № 12 г. Барысава”. Намеснік кіраўніка РМА настаўнікаў беларускай мовы і літаратуры, намеснік дырэктара па вучэбнай рабоце ДУА “Сярэдняя школа № 12 г.Барысава” Шпакоўская Валянціна Аляксандраўна абмеркавала з настаўнікамі тэрміны і ключавыя паняцці медыяадукацыі, актуальнасць тэмы, медыяінфармацыйныя кампетэнцыі, прапанавала гласарый па тэме РМА. Настаўнік гісторыі, кіраўнік школьнага МА ДУА “Сярэдняя школа № 12 г. Барысава” Гвоздзь Анастасія Віктараўна пазнаёміла з медыяграматычнымі асновамі будовы адукацыйнага працэсу як сродку фарміравання метапрадметных кампетэнцый. Анастасія Віктараўна падкрэсліла, што гісторыя і беларуская літаратура цесна звязаны паміж сабой і на прыкладах паказала, як гістарычныя плакаты можна выкарыстоўваць на ўроках беларускай літаратуры. Настаўнік ДУА “Сярэдняя школа № 12 г. Барысава” Шаметавец Наталля Віктараўна прадставіла вопыт рашэння медыйных задач. Наталля Віктараўна расказала пра патэнцыял урокаў беларускай мовы і літаратуры ў медыяадукацыйнай дзейнасці настаўніка, падрыхтавала матэрыялы з вопыту работы, спынілася на рэкламных роліках, калажах, вікіпедыі і іх выкарыстанні ў адукацыйным працэсе. На метадычным хакатоне настаўнік ДУА “Сярэдняя школа № 12 г. Барысава” Бурая Наталля Аляксееўна прадэманстравала матэрыял па фарміраванні медыяінфармацыйных уменняў на ўроках беларускай мовы і літаратуры і ў пазаўрочны час. Намеснік дырэктара па вучэбнай рабоце, настаўнік беларускай мовы і літаратуры ДУА “Сярэдняя школа № 12 г. Барысава” Мікулік Вольга Аляксандраўна прэзентавала агляд адукацыйных рэсурсаў і метадычнай літаратуры па медыяадукацыі. Вольга Аляксандраўна падрабязна спынілася на сеткавых суполках, сайтах, якія створаны ў дапамогу настаўніку. Напрыканцы пасяджэння кіраўнік РМА Паўлава Юлія Сяргееўна падвяла вынікі праведзенага РМА на базе ДУА “Сярэдняя школа № 12 г. Барысава”, прааналізавала вынікі другога этапу рэспубліканскай алімпіяды па вучэбных прадметах “Беларуская мова” і “Беларуская літаратура”, дала рэкамендацыі педагогам. Прысутныя настаўнікі ў сваю чаргу падкрэслілі, што раённае метадычнае аб’яднанне прайшло вельмі прадуктыўна.
Реклама: |
|